Du får kjøpt billettar her, eller ved å laste ned appen "eBillett" til telefon og nettbrett frå https://ebillett.no/. 

Utgard ynskjer at alle billettar blir kjøpt via ebillett

Billetten blir liggande i appen, samt at du får ein e-post med billett. 

Når du kjem på kino eller anna arrangement i Utgard, må du syne fram billetten din. Dette kan du gjere på tre ulike måtar:

• Ta skjermbilete av billetten med telefonen
• Vise fram billetten via ebillett-appen 
• Syne fram e-posten du har motteke

Har du ikkje moglegheit til å ta med mobiltelefon for å syne fram billetten, så noter ned rad- og setenummer og syn fram dette når du kjem til arrangementet. 

Alle får sin billett på e-post

Dersom du ikkje får e-post med billett, ta kontakt med Utgard: 
Telefon: 468 57 889 (vakttelefon) eller 902 88 549 (driftsleiar Marit Rolstad)
E-post: utgard@lom.kommune.no 

Vi kan spore alle kjøpte billettar, så skulle det oppstå noko problem med å finne att billetten, så løyser dette seg når du tek kontakt med Utgard. 

Refundering av billettar 

Billettar som blir kjøpt på web kan refunderast.
Kjøper du billettar fysisk over disk refunderast ikkje billettane ved eventuell nedstenging eller andre grunnar til at arrangementet ikkje blir gjennomført.

Når du kjøper billett på nett vil du finne ein eigen billettkategori (ledsager) som du legg til. Ledsagerbilletten må verifiserast med ei kode. For å få denne koden må du ta kontakt med Utgard på e-post utgard@lom.kommune.no FØR du skal kjøpe billett. 

På nettstaden til Utgard kan du tinga treningsabonnement, sjå oversyn over fellestreningar, med meir.

Utgard er fleirbrukshallen i Lom. Her finn du idrettshall, kulturstugu, symjehall, treningsrom, med meir. 

Det tidlegare samfunnshuset er bygd om og bygd på i to retningar. Komplekset inneheld nå kulturstugu med sal og sene, idrettshall (kan delast i 3 mindre gymsalar), kjøken, kantine, møterom, trimrom, symjehall, garderobar og skulelokale for vidaregåande skule.